جڑانوالہ پولیس نے 5 مختلف ایف آئی آر میں سینکڑوں افراد کو نامزد کردیا

فیصل آباد کی تحصیل جڑانوالہ میں مذہبی کشیدگی کے بعد معمولات زندگی معمول پر آنا شروع ہو گئے ہیں۔

پولیس حکام کا کہنا ہے کہ اشتعال دلانے والے شر انگیز عناصر کے خلاف پولیس کے دستے ہر وقت عوام کی خدمت کو کوشاں ہیں،یاد رہے گزشتہ روز جڑانوالہ میں قرآن کریم کی گستاخی کی خبر آگ کی طرح پھیل گئی تھی جس کے باعث لوگوں نے کرسچن بستیوں کو نشانہ بنانا شروع کردیا تھا۔

پولیس کا کہنا ہے ہے کہ واقعے کا مرکزی ملزم گرفتار کر لیا گیا ہے جبکہ دیگر ملزموں کے خلاف چھاپے مارے جا رہے ہیں۔

پولیس نے 5 مختلف ایف آئی آر میں سینکڑوں  افراد کو نامزد کرلیاہے جبکہ پولیس نےمختلف چھاپوں میں 100 سے زائد افراد کو حراست میں لے لیا ہے۔

پولیس کا کہنا ہے کہ مقدمات دہشت گردی کی دفعات کے باعث درج کیے گئے ہیں۔

فیصل آباد کی تحصیل جڑانوالہ میں مذہبی کشیدگی کے بعد حالات معمول پر آگئے#GNN #NewsUpdate #BreakingNews #GNN_Updates pic.twitter.com/eKLe7Ua9JZ

— GNN (@gnnhdofficial) August 17, 2023