مسیحی خاندانوں نے اپنی جانیں بچانےکے لیے رات ویران کھیتوں میں گزاری

مسیحی خاندانوں نے اپنی جانیں بچانےکے لیے رات ویرانے اورکھیتوں میں گزاری۔

گھر چھوڑ کر کئی خاندانوں کو اپنے عزیزواقارب کے پاس دیگر علاقوں میں منتقل ہونا پڑا۔

پولیس کے مطابق جڑانوالہ میں امن و امان بہتر ہونے پرمتاثرہ خاندانوں کی واپسی جاری ہے۔

پولیس حکام  کے مطابق جڑانوالہ میں توہین مذہب کے مبینہ واقعے میں مشتعل افراد نے گزشتہ روز گرجا گھروں، مسیحی برادری کے درجنوں مکانات،گاڑیاں اور مال و اسباب جلادیے تھے۔

ویڈیو کی مدد سے اعلانات کرکے لوگوں کو اشتعال دلانے والے ملزم کو گرفتار کرلیا گیا جب کہ ویڈیوز کی مدد سے فسادات میں ملوث مزید ملزمان کی شناخت اور گرفتاریوں کی کوشش جاری ہے۔

واقعے میں ہونے والے نقصانات کا تخمینہ لگانے کے لیے ایڈیشنل کمشنر ریونیو کی سربراہی میں 8 رکنی کمیٹی تشکیل دے دی گئی ہے، کمیٹی املاک اور گھروں کو پہنچنے والے نقصانات کا جائزہ لے کر 3 دن میں رپورٹ پیش کرے گی۔