پاکستان میں ہرشہری کو اپنے مذہب پرچلنے، عمل کرنے کا حق حاصل ہے ،چیف جسٹس

اسلام آباد: چیف جسٹس آف پاکستان جسٹس عمر عطا بندیال نے کہا ہے کہ پاکستان میں ہر شہری کو اپنے مذہب پر چلنے اور عمل کرنے کا حق حاصل ہے۔

عمر عطا بندیال سکھ کمیونٹی سے تعلق رکھنے والے آٹھ رکنی اقلیتی وفد سے گفتگو کر رہے تھے جس نے اسلام آباد میں ان سے ملاقات کی۔

چیف جسٹس نے وفد کو آئین میں دئیے گئے اقلیتوں کے حقوق سے متعلق آگاہ کیا گیا۔انہوں نے کہاکہ سپریم کورٹ اقلیتوں کے حقوق کی امین ہے اور اقلیتوں کے حقوق کا تحفظ ریاست کا بنیادی فرض ہے۔انہوں نے کہا کہ اقلیتوں کی عبادت گاہوں کے تحفظ کے لیے نمایاں اقدامات کیے گئے ہیں۔

وفد نے چیف جسٹس کو سنہری کرپان تحفے کے طور پر دی۔