نگران وزیراعظم نے وفاقی کابینہ کا پہلا اجلاس طلب کرلیا

اسلام آباد: نگران سیٹ اپ کی حلف برداری کے بعد وفاقی کابینہ کا پہلا اجلاس آج 11 بجے وزیراعظم ہاؤس میں طلب کیا گیا ہے، اجلاس کی صدارت وزیراعظم انوارالحق کاکڑ کریں گے۔

اس اجلاس میں وزیراعظم کی معاون خصوصی برائےانسانی حقوق مشال ملک ہوں گی۔

وزیراعظم کی جانب سے منعقدہ اجلاس میں ملک کی امن وامان کی صورتحال اور معیشت کا جائزہ لیا جائے گا۔ 

یاد رہے کہ گزشتہ روزایوان صدر میں ہونے والی تقریب میں صدر عارف علوی نے وفاقی کابینہ کے اراکین سے حلف لیا تھا، وفاقی کابینہ میں 16 وزیروں کے علاوہ 6 معاونین خصوصی اور 3 مشیر بھی شامل ہیں۔