وزیرستان کی شمالی تحصیل شوال میں دہشت گرد حملے میں 11 افراد جاں بحق

وزیرستان کی شمالی تحصیل شوال میں دہشت گرد حملے میں 11 افراد جاں بحق ہوگئے۔ڈپٹی کمشنر ریحان گل کے مطابق دہشت گردوں نے ایک گاڑی کو بارودی مواد سے اڑایا جس کے نتیجے میں گاڑی میں سوار 11 مزدور جاں بحق ہوگئے۔

ڈپٹی کمشنر نے کہا کہ گاڑی میں 13 مزدور سوار تھے، دھماکے میں 2 افراد شدید زخمی بھی ہوئے ہیں۔ جاں بحق افراد کی لاشوں اور زخمیوں کو قریبی ہسپتال منتقل کردیاگیا ہے۔حکام کا کہنا ہےکہ جاں بحق افرادکا تعلق جنوبی وزیرستان کی تحصیل مکین اور وانا سے تھا

ہسپتال انتظامیہ کے مطابق جاں بحق ہونے والوں کی شناخت مبیت اللہ، صحاب نور، جنت اللہ، اسد اللہ خان، میر ولی خان، مقبول خان ، شیر زاہد ، سید مانور، محإد ایاز، محمد ولی ، گل حسین کے ناموں سے ہوئی جبکہ زخمیوں میں عمر زاہد ، عمر آیاز شامل ہیں۔