عدالت نے ایمان مزاری کی درخواست ضمانت منظور کرلی

ڈسٹرکٹ اینڈ سیشن کورٹ اسلام آباد نے ایمان مزاری کی درخواست ضمانت منظور کرلی، عدالت نے ایمان مزاری کی درخواست ضمانت 30 ہزارکے ضمانتی مچلکوں کے عوض منظور کر لی

ڈسٹرکٹ اینڈ سیشن کورٹس اسلام آباد کے ڈیوٹی جج وقاص احمد راجہ نے ایمان مزاری کی درخوااست ضمانت پر محفوظ فیصلہ سنا دیا۔

جوڈیشل مجسٹریٹ وقاص احمد نے ایمان مزاری کیخلاف کارِسرکارمیں مداخلت اور سرکاری املاک کو نقصان پہنچانے کے کیس کی سماعت کی۔

ایمان مزاری کے وکیل قیصر امام نے عدالت کو بتایا کہ ایمان مزاری سے تفتیش میں کچھ برآمد نہیں کیا گیا، نہ انہوں نے کسی کو دھمکی دی نہ شیشے توڑے، انہیں مزید حراست میں رکھنے کا کوئی جواز نہیں۔

پروسیکیورٹر عاطف الرحمان نے ایمان مزاری کی درخواست ضمانت کی مخالفت کرتے ہوئے کہا کہ ایمان مزاری نے ریاست کوگالیاں دیں، توڑ پھوڑہوئی۔