الیکشن کمیشن نے انتخابات میں مشاورت کے لئےسیاسی جماعتوں کو دعوت نامے ارسال کردیئے

الیکشن کمیشن نے تمام سیاسی جماعتوں سے مشاورت کے لیے دعوت نامے ارسال کر دیے۔

میڈیا ذرائع کے مطابق الیکشن کمیشن آف پاکستان کے مطابق سیاسی جماعتوں سے حلقہ بندیوں ، انتخابی فہرستوں سے متعلق امور، انتخابی شیڈول اور تاریخ سےمتعلق الگ الگ مشاورت کرنےکا فیصلہ کیا ہے۔

پاکستان کی تمام سیاسی جماعتوں سے الیکشن کمیشن کی ملاقاتیں آئندہ چند روزمیں ہی شروع ہو جائیں گی، اس حوالے سےالیکشن کمیشن  تمام بڑی سیاسی جماعتوں سےرابطے بھی کررہا ہے۔

چیئر مین پی ٹی آئی اور سربراہ جے یو آئی کو کل ملاقات کے لیے کمیشن کے دفتر بلایا گیا ہے۔

شہباز شریف کو 25 اگست جبکہ آصف زرداری کو 29 اگست کا دعوت نامہ بھیجا گیا ہے۔

ترجمان الیکشن کمیشن کے مطابق جدید نظام کے تحت پریذائیڈنگ آفیسر ریٹرننگ آفیسر کو موبائل ایپ کے ذریعے فوری رزلٹ بھیج سکے گا، ریٹرننگ آفیسر اس سسٹم کے تحت فوری اور ووٹوں کے درست اعدادوشمار کے ساتھ غیر حتمی رزلٹ مرتب کر سکے گا۔

الیکشن کمیشن نے عام انتخابات کے سلسلے میں سیاسی جماعتوں سے مشاورت کے لئے دعوت نامے ارسال کردیئے#GNN #GNN_Updates #gnnnews #newsupdates #breakingnews pic.twitter.com/od2uKxvsCd

— GNN (@gnnhdofficial) August 23, 2023