میرے خلاف نیب کی رپورٹ حقائق کے منافی اور سراسر جھوٹ ہے،مونس الٰہی

پی ٹی آئی  کے رہنما و سابق وفاقی وزیر مونس الٰہی نے احتساب عدالت میں اپنے خلاف عائد کردہ نیب کے الزامات کو اپنی آج کی ٹویٹ میں حقائق کے منافی اور جھوٹ پر مبنی قرار دیتے ہوئے کہا ہے کہ میرے خلاف نیب کی ایک فرضی رپورٹ لیک کی گئی ہے جس کے مطابق میرے اکاؤنٹس میں غیر تصدیق شدہ رقوم جمع ہوئی ہیں۔

جن سے میں نے زمین کی خریداری کی ہے۔ انہوں  نے کہا کہ نیب کے جھوٹے الزامات کی واضح تردید میری انکم ٹیکس ریٹرنز سے ہوتی ہے، جن میں تمام تر لین دین کا ریکارڈ، میرے مالی ذرائع اور منی ٹریل واضح طور پر موجود ہیں۔

مونس الٰہی کا کہنا تھا کہ انہوں نے تمام معاملات میں شفافیت کو اپنایا ہے مریم نواز کی طرح کیلبری فونٹ کا جھوٹا دعوی نہیں کیا ،  یہ کوئی کیلبری فونٹ کی طرح کا جھوٹا اور غیر شفاف معاملہ نہیں ہے۔ انہوں نے کہا کہ ان کے اوپر عائد الزامات کے جھوٹا ہونے کا سب سے بڑا ثبوت خود نیب کے انویسٹی گیشن آفیسر کا عدالت میں وہ تحریری بیان ہے جس میں اس نے واضح طور پر اعتراف کیا ہوا ہے کہ اس نے تمام املاک کی خود چھان بین کی ہے اور اسے کہیں کسی بے قاعدگی کا کوئی ثبوت نہیں ملا لہٰذا اس کیس کو کلوز کر دینا چاہئے۔

میرے خلاف نیب کی لیک کی گئی فرضی رپورٹ حقائق کے منافی اور سراسر جھوٹ ہے،مونس الٰہی#GNN #GNN_Updates #gnnnews #newsupdates #breakingnews pic.twitter.com/Rp5LmlHcVA

— GNN (@gnnhdofficial) August 23, 2023