صحافیوں کو تما م اداروں سے معلومات لینے کا پوراحق ہے ،جسٹس فائز عیسی

پریس ایسوسی ایشن آف سپریم کورٹ کی کابینہ کی تقریبِ حلف برداری سے خطاب کرتے ہوئے قاضی فائز عیسی  نے کہا کہ جج اور صحافیوں کے کام میں زیادہ فرق نہیں ہوتا ،ایک سچائی پر مبنی صحافت وقت کی اہم ترین  ضرورت ہے، جج اور صحافی سمیت ہر انسان کو ہی سچ بولنا چاہیے۔

جسٹس قاضی  فائز عیسٰی نے کہا  کہ تمام قوانین کا مقصد حق و سچ کا پعچار کرنا ہوتا ہے ، انصاف سچ کی بنیاد پر ہی ہوتا ہے، بہت سے فیصلوں پر لوگ بے جا سوالات اٹھادیتے ہیں لیکن جج آئین اور قانون کے دائرے میں کام کرتے ہیں۔

اپنے خطاب میں قاضی فائز عیسی کا کہنا تھا کہ  میڈیا کا بنیادی مقصد سچائی عوام تک پہنچانا ہے کہ ملک میں کیا ہورہا ہے ، سچائی اور رائے میں بہت بڑا فرق ہے، جب رائے دینا ہو تو اس میں آئین و قانون کو دیکھنا ہوتا ہے۔ اکثر صحافی سچ اور اپنی رائے کو ایک ساتھ ملا دیتے ہیں، اچھا صحافی وہ ہوتا ہے جو تحقیقات کے بعد حقائق کی بنا پر خبر دے ،   تاہم ہمارا میڈیا اب بہتر کام کرنے لگا ہے۔