انتخابات کےلئے الیکشن کمیشن آج سے سیاسی جماعتوں سے مشاورت کا آغاز کرے گا

ملک میں صاف شفاف انتخابات کےلئے الیکشن کمیشن آج سے سیاسی جماعتوں سے مشاورت کا آغاز کرے گا۔

پی ٹی آئی 2 بجے جبکہ جے یو آئی کا وفد 3 بجے الیکشن کمیشن سے مشاورت کرے گا، الیکشن کمیشن نے چیئرمین پی ٹی آئی اور مولانا فضل الرحمان کو مشاورت کیلئے خط لکھا تھا۔

واضع رپے کہ پاکستان تحریک انصاف نے انتخابات سے متعلق الیکشن کمیشں سے مشاورت کےلئے3 رکنی کمیٹی نامزد کردی ہے۔ پی ٹی آئی نے 3 رکنی کمیٹی الیکشن کمیشن کے آئندہ عام انتخابات کےلیے سیاسی جماعتوں سے مشاورت کے اعلان کے بعد نامزد کی ہے۔ پی ٹی آئی کی نامزد کمیٹی میں سینیٹر علی ظفر، بیرسٹر گوہر اور عمیر نیازی شامل ہیں۔

سیاسی جماعتوں سے انتخابات کے شیڈول اور تاریخ سے متعلق مشاورت کی جائے گی، الیکشن کمیشن سیاسی جماعتوں سے آئندہ الیکشن کے روڈ میپ پر بھی مشاورت کرے گا۔

الیکشن کمیشن 25 اگست کو شہبازشریف اور 29 اگست کو آصف زرداری سے مشاورت کا دعوت نامہ دے چکا ہے۔