چیف الیکشن کمشنر کا صدر مملکت نے ملاقات نہ کرنے کا فیصلہ

 چیف الیکشن کمشنر کا صدر مملکت سے ملاقات نہ کرنے کا فیصلہ کیا ہے

چیف الیکشن کمشنر سکندر سلطان راجہ کی زیر صدرات اجلاس ہوا جس میں عام انتخابات کی تاریخ پر مشاورت کےلئے صدر مملکت کی چیف الیکشن کمشنر کو دعوت کے معاملے پر غور کیا گیا

اجلاس میں صدر مملکت کی جانب سے چیف الیکشن کمشنر کو لکھے گئے خط پر سکندرسلطان راجا نےعارف علوی سے ملاقات نہ کرنےکافیصلہ کرلیا ہے۔اجلاس میں صدر مملکت کے خط کا جائزہ لیا گیا اور قانونی ٹیم کی آئین اور قانون کی روشنی میں انتخابات سے متعلق بریفنگ دی گئی، قانونی ٹیم نے اجلاس میں بریفنگ دی کہ الیکشن ایکٹ کے تحت صدر مملکت سے انتخابات کے شیڈول پر مشاورت ضروری نہیں ہے۔

الیکشن ایکٹ میں سابقہ حکومت نے جو ترامیم کی ہیں اس کے تحت عام انتخابات کے متعلق شیڈول کا اعلان الیکشن کمیشن ہی کرے گا اور اسی کی روشنی میں قانونی ٹیم کی طرف سے الیکشن کمیشن کے اجلاس میں بریفنگ دی گئی۔ 

خیال رہے کہ گزشتہ روز صدر مملکت نے عام انتخابات کی تاریخ طے کرنے کیلثے چیف الیکشن کمیشنر سکندر سلطان راجہ کو خط لکھا تھا، جس میں ملاقات کی دعوت دی گئی تھی۔صدر مملکت کی جانب سے لکھے گئے خط میں چیف الیکشن کمیشنر کو آج یا کل ملاقات کی دعوت گئی تاکہ اس میں عام انتخابات کی تاریخ کے حوالے سے کوئی فیصلہ کیا جا سکے۔

عارف علوی نے خط میں لکھا تھا کہ 9 اگست کو سابق وزیر اعظم شہباز شریف کے مشورے پر قومی اسمبلی تحلیل کی، صدر آرٹیکل 48 فائیو کے تحت اسمبلی تحلیل کے بعد 90 دن میں الیکشن کی تاریخ مقرر کرنے کا پابند ہے۔