توشہ خانہ کیس،ہائی کورٹ کا فیصلہ آنے تک سماعت ملتوی

توشہ خانہ کیس ، سپریم کورٹ نے عمران خان کی سزا کیخلاف درخواست میں سماعت پر اسلام آباد ہائیکورٹ سے فیصلہ آنے تک وقفہ کردیا ہے۔

سپریم کورٹ میں عمران خان کی توشہ خانہ میں سزا کیخلاف درخواست پر سماعت ہوئی۔ چیف جسٹس عمر عطاء بندیال کی سربراہی میں 3 رکنی بینچ نے کیس پر سماعت کی۔ 

دوران سماعت چیف جسٹس نے ریمارکس دیے کہ اسلام آباد ہائی کورٹ میں ابھی کیس کی سماعت چل رہی ہے۔ ہائی کورٹ معاملے کا حل نکال رہی ہے۔ یہی ہمارے نظام کی خوبصورتی ہے۔ ہائی کورٹ کا فیصلہ آنے دیں، پھر سماعت کرتے ہیں۔ سپریم کورٹ نے ہائیکورٹ کا فیصلہ آنے تک سماعت ملتوی کردی۔