صحت سے متعلق پیچیدہ مسائل اور چیلنجز کا سامنا ہے،نگران وزیر صحت

نگران وفاقی وزیر برائے قومی صحت ڈاکٹر ندیم جان نے کہا ہے کہ نوجوانوں کی صلاحیتوں کو اجاگر کرنے کی ضرورت ہے،صحت کارڈ کے نظام سے لوگوں کو بہت فائدہ ہورہا ہے،صحت سے متعلق پیچیدہ مسائل اور چیلنجز کا سامنا ہے۔

نیشنل ہیلتھ سکیورٹی ورکشاپ سے خطاب کرتے ہوئے نگران وفاقی وزیرصحت نے کہا ہے کہ ڈیٹا کو مسائل کے حل کیلئے استعمال کیا جارہاہے۔ نوجوانوں کی صلاحیتوں کو اجاگر کرنے کی ضرورت ہے۔ پاکستان وسائل سے مالامال ہے۔ہمیں پاکستان میں موجود وسائل کا صحیح استعمال کرنا ہوگا۔

انہوں نے کہاکہ صحت کارڈ کے نظام سے لوگوں کو بہت فائدہ ہورہا ہے۔ مہنگائی سے دنیا ہی نہیں پاکستان بھی متاثر ہوا ہے۔ لوگ پرامید ہیں کہ صحت کے شعبے میں بہتری آئیگی۔صحت سے متعلق پیچیدہ مسائل اور چیلنجز کا سامنا ہے۔ ڈاکٹر ندیم جان نے کہا کہ وبائی امراض کے نقصان سے بچنے کیلئے ہر ممکن کوشش کررہے ہیں۔ گلوبل ہیلتھ سکیورٹی کیلئے منصوبہ بندی کررہے ہیں