سانحہ جڑانوالہ کے تمام ملزمان کو گرفتار کر لیا گیا ،آئی جی پنجاب

اسلام آباد: آئی جی  پنجاب ڈاکٹر عثمان انور نے بتایا کہ جڑانوالہ واقعے کے تمام ملزمان کو گرفتار کر لیا گیا ہے۔ آئی جی پی نے بتایا کہ اس معاملے میں 300 سے زائد لوگوں سے تفتیش کی گئی اور 180 سے زائد افراد کو گرفتار کیا گیا۔

   اسلام آباد میں صحافیوں سے گفتگو کرتے ہوئےآئی جی پنجاب نے  کہا  کہ کسی کو قانون ہاتھ میں لینے کی اجازت نہیں ہے۔ انہوں نے کہا کہ جڑانوالہ میں کچھ شرپسندوں نے گھروں اور گرجا گھروں پر حملہ کیا۔

انہوں نے کہا کہ جڑانوالہ واقعہ کے متاثرین کی ہر ممکن مدد کی جا رہی ہے اور انتظامیہ اور حکومت متاثرہ جڑانوالہ کے ساتھ ہیں۔

انہوں نے کہا کہ جڑانوالہ واقعہ دو مذاہب کے ماننے والوں کے درمیان سماجی ہم آہنگی اور مذہبی بندھنوں کو پارہ پارہ کرنے کی سازشکی گئی  ہے۔ انہوں نے علمائے کرام سے لاؤڈ اسپیکر کے مثبت استعمال کی بھی اپیل کی۔