اقتصادی رابطہ کمیٹی کا چینی کی برآمد پر عائد پابندی جاری رکھنے کا فیصلہ

اسلام آباد: اقتصادی رابطہ کمیٹی نے چینی کی برآمد پر عائد پابندی جاری رکھنے کافیصلہ کیا ہے۔

یہ فیصلہ اسلام آباد میں خزانہ ریونیو اقتصادی امور اور نجکاری کی نگران وزیر ڈاکٹر شمشاد اختر کی زیرصدارت کمیٹی کے اجلاس میں کیا گیا۔

کمیٹی کی جانب سے قومی تحفظ خوراک وتحقیق کی وزارت کو ہدایت کی گئی کہ وہ چینی کے ذخیرے کی دستیابی اور روزمرہ استعمال کی اشیاء کی قیمتوں کے بارے میں اپنی معمول کی رپورٹ تیارکرکے جمع کرائے۔

وزارت کو سمگلنگ اور چینی کی ذخیرہ اندوزی کی روک تھام کے لئے متعلقہ اداروں اورحکام کے ساتھ رابطہ رکھنے کی بھی ہدایت کی گئی۔