Advertisement
پاکستان

نگراں وزیراعظم کا آئندہ 48 گھنٹوں میں بجلی بلوں میں ریلیف دینے کا اعلان

جلد ملک کو مشکل سے نکال لیں گےپاکستان میں کوئی بحران نہیں ہے بے شک حالات مشکل ہیں لیکن جلد سرخرو ہوجائیں گے ۔

GNN Web Desk
شائع شدہ 3 سال قبل پر ستمبر 1 2023، 3:45 صبح
ویب ڈیسک کے ذریعے
نگراں وزیراعظم کا آئندہ 48 گھنٹوں میں بجلی بلوں میں ریلیف دینے کا اعلان

نگراں وزیراعظم انوارالحق کاکڑ  نے کہا کہ شام میں  مہنگی ترین بجلی استعمال کرکے توانائی کا نقصان کیا جاتا ہے، ملک میں توانائی بچانے کا کوئی تصور ہی نہیں ہے، پاکستان میں ایماندار لوگوں کو چوری کرنے والوں کے پیسے دینے پڑتے ہیں، ،ملک مشکل ترین حالات میں ہے انشاللہ جلد اس کو مشکل سے نکال لیں گے، پاکستان میں کوئی بحران نہیں ہے ، بے شک حالات مشکل ہیں لیکن جلد سرخرو ہوجائیں گے ۔

 

نگراں وزیراعظم انوارالحق کاکڑ نے کہا کہ سوچی سمجھی پلاننگ کے تحت عوام میں مایوسی پھیلائی جا رہی ہے عوام میں حکومت پر بے یقینی کی صورتحال ہے۔

انوار الحق کاکڑ نے کہا کہ سیاسی جماعتوں کو الیکشن لڑنا ہے یہ سمجھ میں بھی آتا ہے، قانون کے ساتھ کھڑے ہیں الیکشن تاریخ دینا الیکشن کمیشن کا فیصلہ ہے، الیکشن تاریخ پر سپریم کورٹ جو فیصلہ کرے گی اس کا احترام کریں گے۔

نگراں وزیر اعظم نے کہا کہ دہشت گردی، حساس معاملات کو مدنظر رکھ کر نادرا قوانین میں ترمیم کی گئی، نادرا کا چیئرمین فوجی لگانے کی وجہ بھی یہی حساس معاملات ہیں، نادرا چیئرمین کے فرائض کے لیے اسپیشلائزڈ پروفیشنل کی ضرورت تھی۔

Advertisement
رجحانات
Advertisement