پٹرولیم مصنوعات کی قیمتوں میں اضافہ، ٹرانسپورٹرز نے کرایوں میں اضافہ کردیا، عوام پریشان

فیصل آباد: دن بدن بڑھتی ہوئی مہنگائی نے عوام کی کمر توڑ دی ہے، وہیں شہریوں کا کہنا ہے کہ پٹرولیم مصنوعات کی قیمتوں میں اضافے سے اشیائےخوردنوش مزید مہنگی ہو جائیں گی۔

لوگوں کا کہنا ہے کہ حکومت ہوش کے ناخن لیں اور صرف پٹرول ہی نہیں بلکہ باقی اشیاء کی قیمتوں پر نظرثانی کرے، ایسےتوحالات بےقابو ہوجائیں گے۔

جب روزانہ دوسواورتین سوکا پٹرول لگے گا تو گزارہ کیسے ہوگا؟

دوسری جانب پٹرولیم مصنوعات کی قیمتوں میں اضافے کے ساتھ ہی ٹراسپوٹرز نے کرایوں میں اضافہ کر دیا، یہاں تک کہ جنرل بس سٹینڈ سے سرکاری کرایہ نامہ ہٹا دیا گیا ہے۔

مختلف شہروں کے کرایوں میں 10  سے لے کر 30  فیصد اضافہ ہوا ہے، جس سے شہری پریشان ہیں۔

ٹرانسپورٹرزکا کہنا ہے کہ پٹرولیم مصنوعات کی قیمتوں میں روز بروز اضافہ ہورہا ہے جس کی وجہ سے کرائے بڑھانا ہماری مجبوری ہے۔