Advertisement
پاکستان

پرویز مشرف کا نام ای سی ایل میں شامل کرنے کا مقدمہ سماعت کےلئے مقرر

چیف جسٹس آف پاکستان عمر عطاء بندیال کی سربراہی میں 3 رکنی بینچ 5 ستمبر کو سماعت کرے گا

GNN Web Desk
شائع شدہ 3 سال قبل پر ستمبر 1 2023، 10:09 شام
ویب ڈیسک کے ذریعے
پرویز مشرف کا نام ای سی ایل میں شامل کرنے کا مقدمہ سماعت کےلئے مقرر

سابق صدر پرویز مشرف کا نام ایگزٹ کنٹرول لسٹ (ای سی ایل) میں شامل کرنے کا کیس سپریم کورٹ میں سماعت کیلئے مقرر ہو گیا۔

چیف جسٹس عمر عطا بندیال نے مقدمے کی سماعت کیلئے بینچ تشکیل دیدیا، چیف جسٹس کی سربراہی میں تین رکنی بینچ 5 ستمبر کو کیس کی سماعت کرے گا۔

جسٹس عمر عطا بندیال کے علاوہ جسٹس مظاہر علی اکبر نقوی اور جسٹس جمال مندوخیل بھی بینچ میں شامل ہیں۔

 

یاد رہے کہ 3 نومبر 2007 کو ملک میں ایمرجنسی نافذ کرنے پر ایک وکیل کی جانب سے پرویز مشرف کا نام ای سی ایل میں شامل کرنے کی درخواست دی گئی تھی۔

آئین معطل کرنے اور غداری سمیت متعدد مقدمات کا سامنا کرنے والے سابق صدر پرویز مشرف 5 فروری 2023 کو دار فانی سے کوچ کر گئے تھے۔

Advertisement
رجحانات
Advertisement