Advertisement
پاکستان

نگران وزیر اعظم کا اسمگلنگ پرایکشن لیتے ہوئے بھرپور کریک ڈاؤن کاحکم

اسمگلنگ میں ملوث حکام کے خلاف سخت ترین کاروائی کی جائے،انوار الحق کاکڑ

GNN Web Desk
شائع شدہ 3 سال قبل پر ستمبر 2 2023، 12:20 صبح
ویب ڈیسک کے ذریعے
نگران وزیر اعظم کا اسمگلنگ پرایکشن لیتے ہوئے بھرپور کریک ڈاؤن کاحکم

نگران وزیراعظم انوار الحق کاکڑ نے سرحدوں پرافغان ٹریڈ کے نام پر اربوں کی سمگلنگ پرایکشن لیتے ہوئے بھرپور کریک ڈاؤن کاحکم دیدیا۔

افغان ٹریڈ کے نام پر300ارب کی سمگلنگ پروزیراعظم انوار الحق کاکڑ نے نوٹس لیتے ہوئے اہم اجلاس طلب کیاتھا ۔نگران وزیراعظم انوار الحق کاکڑ کی زیر صدارت سمگلنگ کی روک تھام کے حوالے سے اجلاس میں ملک بھر، بالخصوص سرحدی علاقوں میں مختلف اشیاء کی سمگلنگ کی صورتحال اور روک تھام کیلئے اٹھائے گئے اقدامات پر بریفنگ دی گئی۔

سماجی رابطے کی ویب سائٹ پرایکس پر انوار الحق کاکڑ کاکہنا تھاکہ پاکستان کی معاشی مشکلات کی ایک بڑی وجہ سمگلنگ بھی ہے۔ ٹیکس چوری اور ڈالر کی بڑھتی ہوئی قیمت سمیت بہت سے مسائل سمگلنگ سے جڑے ہوئے ہیں۔ آج میں نے سمگلنگ روکنے اور اس میں ملوث حکام کے خلاف سخت ترین کاروائی کرنےکا حکم دیا ہے۔

نگران وزیراعظم انوار الحق کاکڑ نے کسٹمز حکام اور قانون نافذ کرنے والے اداروں کو ملک سے چینی، پٹرولیم مصنوعات، یوریا، زرعی اجناس اور دیگر اشیاء کی سمگلنگ کے سد باب کی سختی سے ہدایت کی تھی ۔ اجلاس کو بتایا گیا کہ بلوچستان میں سمگلنگ کی روک تھام کے لیے قانون نافذ کرنے والے اداروں کی دس اضافی جوائنٹ چیک پوسٹس نوٹیفائی کر دی گئی ہیں۔

وزیراعظم نے ہدایت جاری کی کہ بلوچستان میں سمگلنگ میں ملوث سرکاری افسران کی انٹر ایجنسی رپورٹ مرتب کرکے جلد پیش کی جائے، بلوچستان میں سمگلنگ میں ملوث افسران کے خلاف مؤثر محکمانہ کاروائی یقینی بناتے ہوئے انہیں قرار واقعی سزا دی جائے۔

نگران وزیراعظم انوار الحق کوبریفنگ میں بتایا گیاکہ قانون نافذ کرنے والے اداروں کی انتھک محنت کی وجہ سے ملک میں سمگلنگ میں چالیس فیصد کمی آئی۔

 

Advertisement
رجحانات
Advertisement