رواںسال میں مزید مہنگائی کا اشارہ ،وزارت خزانہ نے رپورٹ جاری کردی

وزارت خزانہ کی جاری کردہ رپورٹ کے مطابق رواں سال مہنگائی 21 فیصد اور اگلے سال 7.5 فیصد رہنے کا امکان ظاہر کیا گیا  ہے، ملکی معیشت میں سست رفتاری سے لیکن بتدریج بہتری پیدا ہونے کے مواقع متوقع ہیں۔

وزارت خزانہ کی جانب سے ملکی معیشت کو درپیش مالی خطرات سے متعلق جاری کی گئی  رپورٹ میں کہا گیا ہے کہ پاکستانی کرنسی  کی بے قدری اور  اجناس کی قیمتوں میں اضافہ مہنگائی کی بڑی وجوہات ہیں، مہنگائی کی شرح میں کمی اجناس کی قیمتوں میں گراوٹ اور روپے کی قدر میں استحکام سے مشروط ہے۔

رپورٹ کے مطابق اگلے سال معاشی ترقی 3.5 فیصد اور 2025 میں 5 فیصد تک ہونے کا امکان ہے۔ 2026 تک جی ڈی پی گروتھ 5.5 فیصد تک پہنچ جائے گی۔ سال 2022 میں جی ڈی پی کا نقصان 2.2 فی صد کے برابر ہو گا۔