ایشیا کپ: پاکستان اور بھارت آج آمنے سامنے ہوں گے

کولمبو: وہ دن آگیا جس کا شائقین بے صبری سے انتظار کر رہے تھے۔ ایشیا کرکٹ کپ 2023 کا سب سے بڑا ٹاکرا آج (ہفتہ) دو روایتی حریفوں پاکستان اور بھارت کے درمیان ہوگا۔

دنیا کی دو بڑی کرکٹ ٹیمیں دوپہر 2:30 بجے کینڈی کے پیلے کالے اسٹیڈیم میں ایکشن میں ہوں گی۔ ایشیا کپ میں پاکستان اور بھارت 18ویں مرتبہ آمنے سامنے ہوں گے۔ جب کہ پہلا میچ بھاری مارجن سے جیتنے والی قومی ٹیم کے حوصلے بھی بلند ہیں۔

میچ سے قبل پاکستان اور بھارت کی ٹیموں نے اپنی خامیاں دور کرنے کے لیے بھرپور پریکٹس کی۔ پاک بھارت میچ کے لیے قومی ٹیم نے فائنل 11 کا اعلان کر دیا۔

کل تک یہ پیشین گوئی تھی کہ آج پالیکالے میں پاک بھارت میچ کے دوران بارش ہوگی۔ تاہم اب تازہ ترین اپ ڈیٹ کے مطابق کینڈی میں موسم میں بہتری آئی ہے جس کے بعد بارش کے امکانات کم ہو گئے ہیں۔
واضح رہے کہ ہندوستانی ٹیم ایشیا کپ مقابلوں میں سات ٹائٹل جیت کر ٹورنامنٹ کی سب سے کامیاب ٹیم ہے۔ جبکہ دوسری جانب پاکستان دو مرتبہ ایشیا کپ کا تاج بھی جیت چکا ہے۔

ایشیا کپ ٹورنامنٹس میں روایتی حریف 17 بار آمنے سامنے ہو چکے ہیں۔ بھارت 09 میچوں میں کامیاب رہا اور پاکستان نے 06 میچ جیتے جبکہ 02 میچ بے نتیجہ رہے۔

گزشتہ سال ایشیا کپ کا انعقاد T20 فارمیٹ میں ہوا تھا جس میں پاکستان اور بھارت کی ٹیمیں دو مرتبہ آمنے سامنے تھیں۔ بھارت نے گروپ مرحلے میں کامیابی حاصل کی اور سپر فور مرحلے میں پاکستان نے بھارت کو شکست دی۔

پاکستان اور بھارت کے درمیان ایک روزہ میچوں کے ریکارڈ کے مطابق قومی ٹیم کو بھارت پر برتری حاصل ہے۔ پاکستان اور بھارت کے درمیان 132 ایک روزہ میچز کھیلے جا چکے ہیں جن میں سے گرین شرٹس نے 73 میچز جیتے جبکہ 55 میچز بھارت نے جیتے ہیں۔ اور چار میچ بے نتیجہ رہے ہیں۔