13 پارٹیوں کے لیڈر عوام کو معاشی عذاب میں ڈال کربھاگ گئے ہیں،شیخ رشید

عوامی مسلم لیگ کے سربراہ اور سابق وفاق وزیر داخلہ شیخ رشید نے کہا ہے کہ پکڑ دھکڑ وقت ضائع کرے گی اور نفرت کو بڑھائے گی بات چیت کی ضرورت ہے اور بات چیت سے ہی حل نکلے گا

اپنے ٹویٹ میں شیخ رشید کا کہنا تھا کہ 13 پارٹیاں اور اُس کے لیڈر عوام کو معاشی عذاب میں ڈال کر خود بھاگ گئے ہیں اور ملبہ نگران حکومت پر ڈال رہے ہیں۔ ایک لندن میں دوسرا دبئی میں تیسرا سعودی عرب میں چلا گیا ہےاور عوام بیچارے سڑکوں پر دھکے کھا رہے ہیں کل کی شٹر ڈاؤن ہڑتال نے بھی ثابت کیا ہے کہ کاروباری طبقہ بھی مسائل کے شکنجے میں آگیا ہے۔

13 پارٹیاں اور اُس کے لیڈر عوام کو معاشی عذاب میں ڈال کر خود بھاگ گئے ہیں اور ملبہ نگران حکومت پر ڈال رہے ہیں ایک لندن میں دوسرا دبئی میں تیسرا سعودی عرب میں چلا گیا ہےاور عوام بیچارے سڑکوں پر دھکے کھا رہے ہیں کل کی شٹر ڈاؤن ہڑتال نے بھی ثابت کیا ہے کہ کاروباری طبقہ بھی مسائل کے…

— Sheikh Rashid Ahmed (@ShkhRasheed) September 3, 2023

انہوں نے کہا کہ 48 گھنٹے میں بجلی میں ریلیف دینے کی بات کی گئی تھی ایک ہفتہ گزر جانے کے بعد بھی کوئی نتیجہ نہیں نکلا۔ پکڑ دھکڑ وقت ضائع کرے گی اور نفرت کو بڑھائے گی بات چیت کی ضرورت ہے اور بات چیت سے ہی حل نکلے گا، سیاست میں کبھی بھی بات چیت کے دروازے بند نہیں کیے جاتے۔ ڈنڈا مسائل کا حل نہیں رہا حالات بہتری کی طرف لے کر جانے پڑیں گے

سربراہ عوامی مسلم لیگ کا مزید کہنا تھا کہ افسوس کی بات ہے کہ عدلیہ کے فیصلوں کو بھی نہیں مانا جارہا اس وقت پاکستان کو سیاسی استحکام کی اشد ضرورت ہے، استحکام نہیں آئےگا تو حالات سنگین اورگھمبیر ہو جائیں گے ستمبر اہم ترین مہنیہ ہے۔ دیکھنا یہ ہے یہ ستمگر ہوگا یا عوام کے لیے خوش آئند ہوگا