اسرائیلی وزیر خارجہ ایلی کوہن سرکاری دورے پر بحرین پہنچ گئے

اسرائیلی وزیر خارجہ ایلی کوہن بحرین پہنچ گئے ہیں،ایلی کوہن بحرین کے وزیر خارجہ عبداللطیف الزیانی سے منامہ میں ملاقات کریں گے۔

غیر ملکی خبر رساں ایجنسی کے مطابق کوہن منامہ میں اپنے بحرینی ہم منصب عبداللطیف الزیانی اور دیگر حکام سے ملاقات کریں گے۔ ذریعہ کے مطابق دورے کے دوران اسرائیلی وزیر خارجہ منامہ میں اپنے ملک کا سفارت خانہ باضابطہ طور پر کھولیں گے۔

اسرائیلی وزیر خارجہ کوہن کا بحرین کا پہلا دورہ ہے۔ انہوں نے جولائی میں اس دورے کا اعلان کیا تھا جس کو اگست کے شروع میں ملتوی کر دیا گیا تھا۔

واضح رہے اسرائیل نے امریکی سرپرستی میں ستمبر 2020 میں تعلقات کو معمول پر لانے کے لیے بحرین اور متحدہ عرب امارات کے ساتھ دو معاہدوں پر دستخط کیے تھے