سابق حکومت غریب کو مہنگائی کے سمندر میں غرق کرکےملک سے فرار ہوگئی ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ 16 ماہ کی نااہل اور نالائق حکومت اپنے کیس ختم کروا کے غریب کو مہنگائی کے سمندر میں غرق کرکے خود ملک سے فرار ہو گئی ہے

سماجی رابطے کی ویب سائٹ ایکس میں شیخ رشید کا کہنا تھا کہ اب مسئلہ سیاسی نہیں رہ گیا معاشی اور اقتصادی بن گیا ہے مسلے کے حل پر کوئی توجہ نہیں دی جا رہی بلکہ عوام کو مزید ڈرایا جارہا ہے کہ بجلی اور پیٹرول مزید مہنگا ہوگا۔

اب مسئلہ سیاسی نہیں رہ گیا معاشی اور اقتصادی بن گیا ہے مسلے کے حل پر کوئی توجہ نہیں دی جارہی عوام کو مزید ڈرایا جارہا ہے کہ مزیدبجلی اور پیٹرول مہنگا ہوگا 16 ماہ کی نااہل اور نالائق حکومت اپنے کیس ختم کروا کے غریب کو مہنگائی کے سمندر میں غرق کرکے خود ملک سے فرار ہو گئی ہے اگر…

— Sheikh Rashid Ahmed (@ShkhRasheed) September 4, 2023

انہوں نے مزید کہا کہ 16 ماہ کی نااہل اور نالائق حکومت اپنے کیس ختم کروا کے غریب کو مہنگائی کے سمندر میں غرق کرکے خود ملک سے فرار ہو گئی ہے۔ اگر عوام کو ریلیف نہ ملا تو تکلیف سہنے کی بھی ایک حد ہوتی ہے عوام کے جذبات مہنگائی اور بیروزگاری کے ہاتھوں بھڑک رہے ہیں

سربراہ عوامی مسلم لیگ کا کہنا تھا کہ عوام کا نام ہی ریاست ہے اور عوام کے مسئلے حل کرنے کے لیے سب کو سر جوڑ کر بیٹھنا ہوگا ورنہ بات سیاست سے آگے چلی گئی ہے اور پھر یہ کسی کے بس میں نہیں رہے گی اور پھر اس معاشی بحران کو کوئی بھی حل نہیں کر پائے گا