بھارت میں بھوکا تیندوا شراب کے نشے میں مدہوش

مدھیا پردیش: بھارتی ریاست مدھیا پردیش کے گاؤں میں ایک بھوکا تیندوا کھانے کی تلاش میں آیا لیکن شراب پی کے نشے میں مدہوش ہو گیا۔

تیندوا اس قدر نشے میں مدہوش تھا کہ اسے آس پاس کی خبر بھی نہ رہی اور گاؤں والے بھی تیندوے کو نشے میں دیکھ کر بے خوف ہوگئے اور اس کےساتھ ساتھ چلنے لگے اور سیلفیاں بھی بنائی۔

اس کی ویڈیو سوشل میڈیا پر وائرل ہوئی تو بہت دلچسپ تبصرے ہونے لگے، بھارتی صحافی اشوک سوائن نے ویڈیو شیئر کرنے کے ساتھ دلچسپ تبصرہ کرتے ہوئے لکھا کہ یہ تیندوا کھانے کی تلاش میں گاؤں آیا تھا جو شراب کے نشے میں مدہوش ہوگیا۔

انہوں نے بھارتی ووٹرز کو تیندوے سے تشبیہ دیتے ہوئے کہا کہ ووٹرز ترقی کی تلاش میں تھے لیکن مودی نے انہیں اسلامو فوبیا کا نشہ کروا دیا۔