نگران وزیر اعظم سے وزیر خزانہ کی ملاقات

نگران وزیراعظم انوار الحق کاکڑ سے نگران وزیرِ خزانہ ڈاکٹر شمشاد اختر نے ملاقات کی۔

پیر کو وزیراعظم آفس کے میڈیا ونگ سے جاری بیان کے مطابق ملاقات میں ڈاکٹر شمشاد اختر نے وزیراعظم کو موجودہ ملکی معاشی صورتحال پر بریفنگ دی۔

وزیراعظم نے ملکی معیشت کو مستحکم کرنے کے لئے مؤثر حکمت عملی تشکیل دینے کی ہدایت کی۔ ملاقات میں انوار الحق کاکڑ اور شمشاد اختر کے مابین حالیہ بجلی کے بلوں میں اضافے پر بھی تفصیلی گفتگو ہوئی

نگران وزیر اعظم نے جلد از جلد آئی ایم ایف سےبات چیت کرنے کی ہدایت جاری کرتے ہوئے کہا کہ وزارت خزانہ عوام کو ریلیف دینے سے متعلق حکمت مرتب کرے تاکہ عوام کو ریلیف جلد از جلد مہیا کیا جا سکے۔