امریکی ڈالر ملکی تاریخ کی بلند ترین سطح پر پہنچ گیا

کراچی: روپے کی بے قدری کا سلسلہ تاحال برقرار ہے، امریکی کرنسی ملکی تاریخ کی بلند ترین سطح پر پہنچ گئی۔

 
کاروباری ہفتے کے دوسرے روز انٹربینک میں امریکی کرنسی کی قیمت میں 1 روپے 36 پیسے کا اضافہ ہوا ہے جس کے بعد انٹربینک میں ڈالر 307 روپے کی بلند ترین سطح پر ٹریڈ کر رہا ہے۔

یاد رہے کہ گزشتہ کاروباری دن کے اختتام پر انٹربینک میں ڈالر 305 روپے 64 پیسے پر بند ہوا تھا۔

سٹاک مارکیٹ
دوسری جانب پاکستان سٹاک مارکیٹ سٹاک ایکسچینج میں بھی مثبت رجحان دیکھا گیا ہے۔

حصص بازار میں 13 کروڑ 92 لاکھ شیئرز کے سودے 4.47 ارب روپے میں طے ہوئے جبکہ مارکیٹ کیپٹلائزیشن 43 ارب روپے اضافے سے 6805 ارب روپے ہے۔