چیئرمین پی ٹی آئی کی حفاظتی ضمانت کی چھ درخواستوں پر سماعت

اسلام آباد: ہائی کورٹ میں چیئر مین پی ٹی آئی عمران خان کی عدم پیروی کی وجہ سے خارج ہونے والی حفاظتی ضمانت کی چھ درخواستوں پرسماعت ہوئی، تحریک انصاف عمران خان کے وکیل سلمان صفدر نے کہا کہ جب ملزم گرفتار ہے تو وہ خود سے پیش نہیں ہوسکتا۔

سلمان صفدر نے مزید کہا کہ اس وقت عمران خان اٹک جیل میں قید ہیں ایسا نہیں کہ وہ جان بوجھ کر پیش نہیں ہوئے، چیئرمین پی ٹی آئی کی عدم موجودگی پر مبنی ہماری درخواستوں پر کوئی نوٹس جاری نہیں کیا۔

جس پر چیف جسٹس عامر فاروق نے ریمارکس دیے کہ اسی نوعیت کی درخواست 2 رکنی بینچ کے روبرو بھی زیرسماعت ہے اس کو بھی وہیں سن لیں گے، چیف جسٹس عامر فاروق نے کیس کی سماعت میں کچھ دیرکا وفقہ کر دیا۔