اوپن مارکیٹ میں روپے کے مقابلے میں امریکی ڈالر کی مزید قدر میں کمی

کراچی: بدھ کو اوپن مارکیٹ میں پاکستانی روپے کے مقابلے امریکی ڈالر 7 روپے سستا ہوگیا۔

یاد رہے کہ گزشتہ روز اوپن مارکیٹ میں ڈالر 5 روپے کمی کے بعد 323 روپے پر بند ہوا تھا، آج اوپن مارکیٹ میں امریکی ڈالر کی قدر 7 روپے کم ہو کر 316 روپے پر آ گئی ہے۔

ایک نجی نیوز چینل سے بات کرتے ہوئے چیئرمین ایکسچینج کمپنیز ایسوسی ایشن ملک بوستان کا کہنا تھا کہ بلیک مارکیٹ والے ہمارے کلائنٹس کو راستے میں روکتے تھے اور ہم سے زیادہ نرخ دیتے تھے جس کی وجہ سے ہماری سپلائی متاثر ہوتی تھی۔

ملک بوستان کا یہ بھی کہنا تھا کہ کریک ڈاؤن کے باعث آج اوپن مارکیٹ میں ڈالر 318 روپے 317 کا ہو گیا ہے جس میں مزید کمی آئے گی۔