مسجد اقصیٰ پر اسرائیلی پولیس کا حملہ، 200 فلسطینی زخمی

عالمی خبر رساں ادارے کے مطابق  اسرائیلی پولیس کی جانب سے جمعہ کر روز مسجد اقصیٰ میں موجود نمازیوں کو عبادات سے روکا گیا، جس پر احاطہ میدان جنگ میں بدل گیا اور جھڑپوں میں 170 سے زائد فلسطینی زخمی ہو گئے۔ جس پر فلسطینی مظاہرین نے پولیس پر پتھراؤ اور بوتلیں پھینک کر جوابی کارروائی کی۔

ماحول میں بد مزگی پھیلی جب رمضان المبارک کے آخری جمعہ کے روز نماز جمعہ کے دوران اسرائیلی پولیس کی جانب سے مسجد اقصیٰ کے احاطے میں شدید فائرنگ اور شیلنگ کی گئی۔قابض اسرائیلی فوج نے مسجد اقصی میں مسلمانوں کے داخلے پر پابندی لگائی جس کے بعد مسلمانوں نے احتجاج کیا اور مسجد میں داخل ہو گئے اور نماز ادا کی۔

فلسطینی ڈاکٹرز اور اسرائیلی پولیس کا کہنا ہے کہ اسلام کے تیسرے مقدس ترین مقام اور مشرقی یروشلم میں رات کے وقت ہونے والی جھڑپوں میں کم از کم 205 فلسطینی اور 17 اہلکار زخمی ہوئے تھے ، جبکہ ہزاروں فلسطینیوں نے کئی سو اسرائیلی پولیس پر پتھراؤ کیا تھا۔

دوسری جانب صیہونی فورسز کا مقبوضہ بیت المقدس میں شیلنگ پرامریکہ نے گہری تشویش کا اظہار کردیا۔ ترجمان برائے امریکی محکمہ خارجہ بائیڈن انتظامیہ کا  اسرائیلی اورفلسطینی حکام  سے رابطہ جس میں کشیدگی ختم کرنے پر زور دیا گیا ہے۔

اسرائیلی آبادکار ی جیسے ان اقدامات کو روکا جائے جو ہمیں امن سے دور کر رہیں ہیں۔ امریکہ نے مشرقی مقبوضہ بیت المقدس سے فوجیں نکالنے پر بھی زور دیا ہے۔ترجمان برائے امریکی محکمہ خارجہ کے مطابق دہشتگردی اور فلسطینیوں کے گھروں کو گرانے کا سلسلہ بھی بند کرنے کا مطالبہ کیاگیا ہے۔

یادرہے کہ مقبوضہ بیت المقدس اور مغربی کنارے میں کشیدگی ایک ہفتے سے جاری ہے۔