ملک میں گھی اورخوردنی تیل کی قیمتوں میں کمی

ملک میں گھی اورخوردنی تیل کی قیمتوں میں اگست کے دوران عمومی کمی کارحجان دیکھنے میں آیاہے۔

پاکستان بیوروبرائے شماریات کی جانب سے جاری رپورٹ کے مطابق اگست 2023 میں ایک کلوگرام سرسوں کے تیل کی اوسط قیمت 529.01 روپے ریکارڈکی گئی جو جولائی کے مقابلہ میں 2.31 فیصد کم ہے، جولائی میں ایک کلوسرسوں کے تیل کی اوسط قیمت 541.51 روپے ریکارڈکی گئی تھی۔ اگست میں 5 کلو  آئل کی اوسط قیمت 3039.94 روپے ریکارڈکی گئی جو جولائی کے مقابلہ میں 2.70 فیصدکم ہے،

جولائی میں 5 کلو آئل کی اوسط قیمت 3124.14 روپے ریکارڈکی گئی تھی۔ اعدادوشمارکے مطابق اگست 2023 میں ڈھائی کلوگرام  بناسپتی گھی کی اوسط قیمت 1430.63 روپے ریکارڈکی گئی جو جولائی کے مقابلہ میں 2.48 فیصدکم ہے،

جولائی میں ڈھائی کلوبناسپتی گھی کی اوسط قیمت 1467.05 روپے ریکارڈکی گئی تھی۔پی بی ایس کے مطابق اگست میں ایک کلوگرام بناسپتی گھی کی اوسط قیمت 550.13 روپے ریکارڈکی گئی جوجولائی کے مقابلہ میں 3 فیصدکم ہے، جولائی میں ایک کلوگرام بناسپتی گھی کی اوسط قیمت 567.17 روپے ریکارڈکی گئی تھی۔