آئندہ مہینوں میں مہنگائی مزید بڑھے گی ،وزارت خزانہ نے رپورٹ جاری کر دی

پٹرولیم مصنوعات اور بجلی کی قیمتوں میں اضافے کے باعث مہنگائی مزید بڑھنے کا امکان ظاہر کیا گیا ہے۔

وزارتِ خزانہ کے مطابق اگست میں بجلی کی قیمتوں میں 2 بار اضافے کے اثرات مہنگائی پر آئیں گے، اگست میں مہنگائی کی شرح 29 سے 31 فیصد تک رہنے کی توقع ہے۔

رپورٹ میں وزارتِ خزانہ کا کہنا ہے کہ عالمی مارکیٹ میں اشیاء کی قیمتوں میں کمی ہو رہی ہے، جس کی وجہ سے پاکستان میں درآمدی اشیاء کی قیمتوں میں کمی ہو سکتی ہے

مٹرولیم مصنوعات اور بجلی کی قیمتوں میں اضافے کے باعث مزید مہنگائی بڑھے گی#GNN #GNN_Updates #newsupdates #breakingnews pic.twitter.com/1DASUmZW1P

— GNN (@gnnhdofficial) September 6, 2023

ملک میں افراط زر کی شرح 27 فیصد سے بڑھ کر 31 فیصد تک جانے کا بھی امکان ہے ،پٹرولیم مصنوعات کی قیمتوں میں حالیہ اضافے سےٹرانسپورٹ کے کرایہ جات میں بھی اضافہ دیکھا گیا ہے ، پٹرولیم مصنوعا ت میں اضافے سے ہر چیز پر گہرا اثر پڑؑا ہے اور مزید مہنگائی کی جانب اشارہ دیا جا رہا ہے۔

وزارت خزانہ نے ملکی معاشی صورت حال پر رپورٹ بھی جاری کر دی ہے ،رپورٹ میں یہ خدشات بھی ظاہر کیے گئے ہیں کہ پٹرولیم مصنوعات میں مزید اضافہ بھی متوقع ہے اور اشیائے خوردونوش بھی مہنگی ہونے کا خدشہ ظاہر کیا گیا ہے۔