سعودی ولی عہد اور روسی صدر کا توانائی مارکیٹ میں استحکام کیلئے کوششیں جاری رکھنے پر اتفاق

ریاض: سعودی ولی عہد اور روسی صدر نے توانائی مارکیٹ میں استحکام کیلئے کوششیں جاری رکھنے پر اتفاق کیا ہے

۔سعودی خبررساں ادارے کے مطابق سعودی عرب کے ولی عہد شہزادہ محمد بن سلمان کے روسی صدر ولا دیمیر پیوٹن سے ٹیلی فونک رابطہ کے دوران دونوں رہمناوں نے توانائی کی عالمی مارکیٹ کے استحکام کے لیے کوششیں جاری رکھنے پر اتفاق کیا۔

دونوں رہنماؤں نے روس اور سعودی عرب کے منفرد دوطرفہ تعلقات اور مختلف شعبوں میں انہیں جدید خطوط پر استوار کرنے کے مواقع کا جائزہ بھی لیا۔

رابطے کے دوران باہمی دلچسپی کے متعدد موضوعات پر تبادلہ خیال کیا گیا جن میں حال ہی میں برکس سربراہی کانفرنس کا موضوع بھی زیر بحث آیا جبکہ اقتصادی شراکت اور برکس ممالک کے ساتھ تعاون کی سعودی خواہش پر بھی بات چیت کی گئی۔