لاہور ریلوے پولیس کے مبینہ ٹارچر سیل سے شہری بازیاب

لاہور: ذرائع کے مطابق لاہور کے علاقے مغل پورہ کے قریب ریلوے پولیس نے مبینہ ٹارچر سیل بنا رکھا تھا۔

پولیس حکام کے مطابق ریلوے اہلکاروں نے نعیم نامی شہری کو اغوا کرکے ریلوے کے بند پڑے گودام میں لے گئے، جہاں اہلکاروں نے اسے رسیوں اور ہتھ کریوں سے باندھ کر بند ترین تشدد کا نشانہ بنایا، نعیم کا کہنا ہے کہ اسے مکان ریلوے اہلکاروں کے نام نہ کرنے پر اغوا کیا گیا۔

نعیم نے مزید کہا کہ ملزمان فریاد گجراور اظہرشاہ نے اس سے چھ لاکھ اور پچاس ہزار روپے بھی چھین لیے اورمزید رقم کا مطالبہ کرتے رہے مگر موقع پر اہل خانہ اور اہل علاقہ پہنچ گئے۔

اہل علاقہ کو دیکھ کرملزمان فرار ہوگئے جس پراہل علاقہ نے پولیس کواطلاع دی، جس پرمغل پورہ پولیس نے موقع پر پہنچ کرمغوی کوبازیاب کروایا۔

پولیس کا کہنا ہے کہ مغوی کی درخواست پر فریاد گجراوراظہر شاہ کے خلاف مقدمہ درج کرلیا ہے، ملزمان کی گرفتاری کےلیے کوشش کی جارہی ہیں۔