میرے مداح مجھے پسند کرتے ہیں تو میسی کی بھی عزت کریں،کرسٹیانو رونالڈو

پرتگالی لیجنڈ کرسٹیانو رونالڈو نے کہا ہے کہ وہ ارجنٹائن کے لیجنڈ لیونل میسی کی عزت کرتے ہیں۔ دونوں نے 15 سال تک فٹ بال ایک ساتھ کھیلا۔ انہوں نے مزید کہا کہ میرے مداحوں کو 2022ء کے ورلڈ کپ چیمپئن سے نفرت نہیں کرنی چاہیے۔

یورپی کپ کوالیفائر میں پرتگال اور سلوواکیہ کے درمیان ہونے والے مقابلے کے موقعے پر رونالڈو نے کہا کہ میسی سے مقابلہ، مجھے یہ بھی نظر نہیں آرہا، ہمارا اب کوئی مقابلہ باقی رہا ہے۔ میں اپنے مداحوں سے کہوں گا کہ وہ اگر وہ مجھے پسند کرتے ہیں تو میسی کی بھی عزت کریں۔ پوری دنیا میں ہماری عزت کی جاتی ہے۔ اور سب سے اہم بات یہ ہے کہ وہ اپنے راستے پر ہے اور میں اپنے راستے پر ہوں۔

پرتگال کے ساتھ یورپی کپ اور نیشنز لیگ کے چیمپئن نے مزید کہا کہ میں نے پہلے بھی کہا تھا کہ ہم نے 15 سال تک میدان شیئر کیا، ہم دوست نہیں ہیں لیکن ہم ساتھی ہیں اور ہم ایک دوسرے کا احترام کرتے ہیں۔

پرتگال 2024 کے یورپی کپ کوالیفائرز میں جرمنی میں کل آٹھ ستمبر کو سلوواکیہ اور گیارہ کو لکسمبرگ کے خلاف دو میچ کھیلے گا