پکڑ دھکڑ اور ڈنڈا مسئلے کا حل نہیں ہے،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ  پکڑ دھکڑ اور ڈنڈا مسئلے کا حل نہیں ہے سب کو مل بیٹھ کر سنگین معاشی بحران کا حل تلاش کرنا ہوگا

سماجی رابطے کی ویب سائٹ ایکس پر شیخ رشید کا کہنا تھا کہ مسئلہ اقتصادی اور معاشی ہے سیاسی نہیں رہا عوام کا نام ہی ریاست ہے عوام خوشحال ہوگی تو ریاست خوشحال ہوگی بڑے بزنس مین کو ہمیشہ سبسڈی چاہیے اُسے غریب کی دو وقت کی روٹی کی کوئی فکر نہیں ہے بڑا آدمی کرپشن کرتا ہے اور سزا غریب کو ملتی ہے۔

مسئلہ اقتصادی اور معاشی ہے سیاسی نہیں رہا عوام کا نام ہی ریاست ہے عوام خوشحال ہوگی تو ریاست خوشحال ہوگی بڑ ے بزنس مین کو ہمیشہ سبسڈی چاہیے اُسے غریب کی دو وقت کی روٹی کی کوئی فکر نہیں ہے بڑا آدمی کرپشن کرتا ہے اور سزا غریب کو ملتی ہے جتنی تیزی سے آبادی بڑھ رہی ہے اُتنی تیزی سے ہی…

— Sheikh Rashid Ahmed (@ShkhRasheed) September 7, 2023

انہوں نے کہا کہ جتنی تیزی سے آبادی بڑھ رہی ہے اُتنی تیزی سے ہی کاروباری ادارے اور کارخانے بند ہو رہے ہیں پکڑ دھکڑ اور ڈنڈا مسئلے کا حل نہیں ہے سب کو مل بیٹھ کر سنگین معاشی بحران کا حل تلاش کرنا ہوگا اور عوام کے جذبات اور مسائل پر پوری توجہ دینی ہوگی

سربراہ عوامی مسلم لیگ کا کہنا تھا کہ حالات مزید بگڑ گئے تو کسی کے بس کی بات نہیں ہوگی بات اب یا کبھی نہیں تک پہنچ گئی ہے جس کا فوری حل تلاش کرنا بہت ضروری ہے عوام کی گاڑی چھوٹ گئی تو پھر کسی سے پکڑی نہیں جائے گی