پرنیتی چوپڑا کی شادی کا کارڈ سوشل میڈیا پر وائرل

ممبئی: بالی ووڈ اداکارہ پرینیتی چوپڑا اور بھارتی عام آدمی پارٹی کے رکن اسمبلی راگھو چڈھا کی شادی کا کارڈ سوشل میڈیا پر وائرل ہو رہا ہے۔

قبل ازیں بھارتی میڈیا نے خاندانی ذرائع کے حوالے سے دعویٰ کیا تھا کہ جوڑے کی شادی کی تقریب 23 ستمبر کو ہوگی جب کہ اب بھارتی میڈیا ایک بار پھر کہہ رہا ہے کہ پرینیتی اور راگھو کی شادی کی تقریبات 17 ستمبر سے شروع ہوں گی۔

جوڑے کی شادی 23 اور 24 ستمبر کو راجستھان کے ادے پور کے ہوٹل لیلا پیلس اور ادایا ولاز میں ہوگی۔

اس سلسلے میں سوشل میڈیا پر ایک استقبالیہ کارڈ گردش کر رہا ہے جو راگھو کے خاندان کا ہے۔ جس کے مطابق شادی کا استقبالیہ 30 ستمبر کو ہوگا اور مقام چندی گڑھ میں فائیو اسٹار ہوٹل 'تاج' ہوگا۔