الیکشن پیپلزپارٹی وجہ سے تاخیر کا شکار ہیں ،پیپلزپارٹی اپنے ہی کئے گئے وعدوں سے مکر گئی ،مولانا فضل الرحمن

لاہور میں صحافیوں سے گفتگو کرتے ہوئے مولانا فضل الرحمان کا کہنا تھا کہ پیپلزپارٹی آخری وقت میں آکر اپنی ہی کی گئی باتوں سے پھر گئی تھی جس کے باعث الیکشن تاخیر کا شکار ہوئے ہیں اگر پیپلزپارٹی اپنے وعدوں سے نہ پھرتی تو اب تک الیکشن ہوچکے ہوتے ۔

ایم کیو ایم اور اختر مینگل سمیت دیگر نے اتفاق  رائے سے فوری الیکشن کرانےکا فیصلہ کیا تھا، پیپلزپارٹی نے آخری وقت میں تحریک  عدم اعتماد لانے پر زور دیا تھا۔

 مولانا فضل الرحمان نے کہا کہ ملک میں عام انتخابات فروری کے آخر تک  ہی ہوں گے، جو حالات قبائلی علاقوں میں ہیں الیکشن کمپین کرنا مشکل ہے، جمہوری ممالک میں نگران حکومت کا تصور ہی نہیں۔