صوبائی دارالحکومت، چینی مافیا کیخلاف کریک ڈاؤن کے بعدچینی کی قیمت میں واضح کمی

لاہور: حکومت کی جانب سے چینی مافیا کے خلاف کریک ڈاؤن کے بعد چینی کی فی کلو قیمت 10 سے  15 روپے کمی کے بعد 175 سے  180روپے ہوگئی ہے۔

چینی کے  پچاس کلو تھیلے کی قیمت میں  300 روپے کمی ہوئی، اب 50 کلو چینی کا تھیلا  8800 سے کم ہو کر8500 ہزارکا ہو گیا۔

شہریوں کا کہنا ہے کہ یہ معمولی سی کمی ہے اگرحکومت کی جانب سے کریک ڈاؤن کیا گیا ہے توکم از کم چینی کی قیمت میں  100روپے کمی ہونی چاہئیے اور سرکاری قیمت میں بھی 50 روپے کمی ہونی چاہیئے، تب ہی ریلیف ملے گا۔

دوسری جانب دکانداروں کا کہنا ہے کہ چینی کی قیمت میں معمولی سی کمی دیکھی گئی ہے اور آئندہ دو ہفتوں میں چینی کی قیمت میں مزید 10 روپے تک کمی آئے گی اور چینی کا ریٹ 160 سے 165 فی کلوتک مستحکم ہوجائے گا۔