روپے کی قدر میں اضافہ، ڈالرتنزلی کا شکار

کراچی: گزشتہ چند دنوں سے ڈالرکی قیمت میں مسلسل کمی کا سلسلہ جاری ہے۔ کاروباری ہفتے کے پہلے دن انٹر بینک میں ڈالر کی قیمت میں مزید 2 روپیہ 20 پیسے کی کمی ہوئی جس سے انٹر بینک میں ڈالر 300 روپے75 پیسے کی سطح پر ٹریڈ ہورہا ہے۔

اوپن مارکیٹ میں ڈالر  3روپے 50 پیسے کمی کے بعد 300 روپے 50 پیسے  کا فروخت ہورہا ہے۔

واضح رہے کہ کرنسی مارکیٹس میں ڈالرکی قیمت کا فرق انٹرنیشنل مانیٹری فنڈ ( آئی ایم ایف ) کی مقررہ حد سے نیچے آگیا۔

دوسری جانب پاکستان اسٹاک ایکسچینج میں آج منفی رجحان دکھائی دے رہا ہے۔ پاکستان اسٹاک ایکسچینج کا 100 انڈیکس 35 پوائنٹس کی کمی کے بعد 45 ہزار977 پرآ گیا۔ 

یاد رہے کہ گزشتہ کاروباری ہفتے کے اختتام پر100 انڈیکس 46 ہزار13 پوائنٹس پربند ہوا تھا۔