کینیڈین وزیر اعظم جسٹن ٹروڈوانڈیا سے روانہ نہ ہو سکے

کینیڈین وزیر اعظم جسٹن ٹروڈو بھارتی دارالحکومت نئی دہلی میں جی 20 سربراہی اجلاس کے اختتام اور اپنے ایشیائی دورے کے اختتام کے باوجود ابھی تک اپنے ملک کے لیے بھارت سے روانہ نہیں ہو سکے۔ 

کینیڈین وزیراعظم کے طیارے میں تکنیکی خرابی کے بعد مزید ایک رات  بھارت میں گذارنا پڑی۔ اس کی وجہ سے ٹروڈو اور ان کے ساتھ آنے والے وفد کی روانگی آج صبح تک ملتوی کردی۔

غیر ملکی خبر رساں ایجنسی کے مطابق ہوائی اڈے کے حکام نے بتایا کہ انجینئرنگ ٹیم کو خرابی کی مرمت کے لیے کچھ وقت درکار ہو گا۔

ٹروڈو نے اپنے ایشیائی دورے کا اختتام کیا، جس کا آغاز انہوں نے انڈونیشیا کے دورے سے کیا تھا۔ انہوں نے سنگاپور جانے سے قبل جنوب مشرقی ایشیائی ممالک کی ایسوسی ایشن کے اجلاس میں شرکت کی، جہاں انہوں نے سرمایہ کاری کی حوصلہ افزائی کے لیے شہر کے وزیر اعظم اور کاروباری رہ نماؤں سے ملاقات کی تھی۔