بریکوٹ سوات میں سلنڈر پھٹنے سے دھماکہ، پولیس اہلکار اور بچے سمیت 9 افراد شدید زخمی

سوات کے تحصیل بریکوٹ بازار میں دکان کے اندر سلینڈر پھٹنے سے دھماکہ ہوا جس میں ٹریفک پولیس اہلکار اور بچے سمیت 9 افراد شدید زخمی ہوگئے زخمیوں کو ابتدائی طبی امداد کیلئے سیدو شریف ہسپتال منتقل کر دیا گیا ہے۔

ریسکیو حکام کے مطابق سلنڈر دھماکے سے ڈیوٹی پر معمور 3 ٹریفک پولیس اہلکار، 4 بچے اور سمیت 9 افراد شامل ہیں۔

ریسکیو ترجمان کے مطابق کنٹرول روم کو اطلاع ملنے پر ریسکیو 1122 ایمبولینس اور میڈیکل ٹیم جائے وقوعہ پر پہنچ گئیں اور تمام زخمیوں کو ابتدائی طبی امداد کے لیے سنٹرل ہسپتال سیدو شریف منتقل کر دیا ہے۔

سلینڈر دھماکے کے بعد دوکان میں آگ بھڑک اٹھی جس کو تین گھنٹے کے طویل آپریشن کے بعد بجھا دیا گیا۔