میجر راجہ عزیز بھٹی (نشانِ حیدر)کا 58واں یومِ شہادت ،مساجد میں قرآن خوانی و دعائوں کا اہتمام کیا گیا

اسلام آباد: میجر راجہ عزیز بھٹی شہید (نشانِ حیدر) کا 58واں یومِ شہادت پوری عقیدت اور احترام سے منایا جا رہا ہے، اس موقعے پر مساجد میں قرآن خوانی اور دعاؤں کا اہتمام کیا گیا۔

تفصیلات کے مطابق میجر راجہ عزیز بھٹی شہید کے یومِ شہادت پر دن کا آغاز مساجد میں قرآن خوانی اور دعاؤں کے ساتھ ہوا، علما نے شہید کے درجات کی سربلندی کے لئے خصوصی دعاؤں کا اہتمام کیا۔ علمائے کرام نے اظہارِ خیال کرتے ہوئے کہا کہ زندہ قومیں اپنے محسنوں کے احسانات فراموش نہیں کرتیں، شہدا کا لہو ہم پر قرض ہے۔