190 ملین پاؤنڈز سکینڈل، شیخ رشیدکی نیب کے سامنے پیش ہونے سے معذرت

190 ملین پاؤنڈز سکینڈل، عوامی مسلم لیگ کے سربراہ اور سابق وفاقی وزیر داخلہ شیخ رشید نے نیب تحقیقاتی ٹیم کے سامنے پیش ہونے سے معذرت کر لی۔

شیخ رشید نے نیب تحقیقاتی ٹیم کو طلبی کے نوٹس پر جوابی خط ارسال کر دیا، انہوں نے اپنے وکیل سردار شہباز کے ذریعے نیب میں جواب جمع کروایا۔ سابق وفاقی وزیر کی جانب سے جوابی خط میں کہا گیا ہے کہ 3 دسمبر 2019 کابینہ اجلاس میں القادر ٹرسٹ معاملہ اٹھائے جانے سے قبل میں وہاں سے چلا گیا تھا۔

شیخ رشید کا خط میں کہنا تھا کہ شہزاد اکبر سے ساتھ ان کے تعلقات ٹھیک نہیں تھے اور بات چیت بھی نہیں ہوتی تھی۔ میرے خلاف کوئی کیس نہیں پھر بھی سیاسی کارروائیاں جاری ہیں، میرے رشتے داروں اور دوستوں کے گھروں میں چھاپے مارے جا رہے ہیں۔ میری نقل و حرکت محدود ہے اس لئے نیب میں پیش نہیں ہو سکتا۔

القادر ٹرسٹ اور 190 ملین پاؤنڈز کیس کا کچھ علم ہے نہ ہی کوئی معلومات ہیں، القادر ٹرسٹ کیس میں گواہ بھی نہیں ہوں، طلبی کا نیب نوٹس غیر قانونی ہے واپس لیا جائے۔

واضح رہے کہ نیب راولپنڈی نے سابق وزیر داخلہ شیخ رشید احمد کو آج پیش ہونے کی ہدایت کی تھی، قومی احتساب بیورو نے شیخ رشید احمد کو کیس سے متعلقہ دستاویزات بھی ہمراہ لانے کا حکم دیا تھا