پاکستان نے آئی ایم ایف کا ڈومور کا مطالبہ مسترد کر دیا

پاکستان نے آئی ایم ایف کا ڈومور کا مطالبہ مسترد کر دیا

وزارت خزانہ  کے ذرائع کے مطابق پاکستان نے آئی ایم ایف کا ڈومور کا مطالبہ مسترد کر دیا ہے۔ آئی ایم ایف نے پرتعیش اشیاء کی امپورٹ پر ٹیکس ریٹ بڑھانے کیلئے آرڈیننس لانے کی تجویز دی تھی۔ 

 پاکستان اور آئی ایم ایف کے درمیان آن لائن رابطہ ہوا۔ آئی ایم ایف نے ٹیکس آمدن بڑھانے کے لیے مختلف تجاویز پیش کیں۔ آئی ایم ایف امپورٹڈ اور تعیش اشیاء پر ٹیکس بڑھانے کا مطالبہ کر رہا ہے۔ 

بتایا گیا ہے کہ ایف بی آر کی بہترین کارکردگی کی وجہ سے حکومت نے آئی ایم ایف کا مطالبہ مسترد کر دیا۔ پہلے دو ماہ میں ایف بی آر نے مقرر ہدف سے 24 ارب روپے زیادہ ٹیکس جمع کیا۔