ایل پی جی قابو سے باہر، دوکانداروں کے من مانے ریٹ

فیصل آباد: اوگرا کی جانب سے ایل پی جی کا سرکاری ریٹ 210 روپے مقرر کیا گیا تھا لیکن اب ایل پی جی کی قیمت بڑھا کر 240روپے مقررکر دی گئی ہے، جس کی وجہ سے اوپن مارکیٹ میں ایل پی جی کی قیمت میں ہوشربا اضافہ ہوا ہے اور ایل پی جی 270 سے 300 روپے تک فروخت ہورہی ہے۔

گھریلو سلنڈر کی قیمت بھی 2810 روپے کر دی گئی ہے، ایل پی جی کی قیمت میں اضافے سے شہری بہت پریشان ہیں۔

ایل پی جی کی قیمت میں اضافے سے کرایوں میں بھی اضا فہ ہوا ہے جس سے شہریوں کو مشکلات درپیش ہیں۔

دوکانداروں کا کہنا ہے کہ ڈسٹیبیوٹر کی جانب سے مہنگی گیس مل رہی ہے جس کی وجہ سے وہ مہنگی گیس فروخت کرنے پر مجبور ہیں۔ 

شہریوں نے مطالبہ کیا ہے کہ حکومت نوٹس لے، سرکاری نرخوں پرعمل درآمد کروایا جائے اور قیمتوں میں زیادہ سے زیادہ کمی کی جائے۔