مسلم لیگ ن اور پیپلز پارٹی میں سیاسی کشیدگی شروع ،ایم کیو ایم اور جے یو آئی میں اتحاد

کراچی میں ایم کیو ایم اور جے یو آئی ف کے رہنماؤں نے مشترکہ طور پر میڈیا سے گفتگو کی۔ اس دوران فاروق ستار نے کہا کہ ہم نے فیصلہ کیا ہے کہ اب سندھ کارڈ نہیں چلنے دیں گے۔

فاروق ستار نے کہا کہ دیہی سندھ میں اسٹریٹ پاور (جے یو آئی)کے پاس ہے پیپلز پارٹی کے پاس نہیں، دیہی سندھ میں سیاسی قوت جے یو آئی کے پاس ہے، سندھ کے عوام کے ساتھ 15 سال ظلم کیا جاتا رہا۔

ن لیگ سندھ میں ایم کیو ایم اور جے یو آئی کے ساتھ اتحاد کے ذریعے عام انتخابات میں اترے گی#GNN #NewsUpdates #BreakingNews #GNN_Updates pic.twitter.com/ple8bzJw0x

— GNN (@gnnhdofficial) September 16, 2023

فاروق ستار  نے کہا کہ ہم مل کر سندھ میں جاگیرداروں اور وڈیروں کو ان کی اوقات یاد دلائیں گے، کراچی منی پاکستان ہے، کراچی چلتا ہے تو پاکستان چلتا ہے، سندھ میں اس وقت تک  بے امنی، لاقانونیت اور ڈاکو راج ختم نہیں ہو سکتا جب تک جاگیردارانہ نظام  ہے، 15 سال میں ڈاکوؤں کی سرپرستی کی گئی، پورا سندھ بے امنی کا شکار ہے۔

یاد رہے کہ جے یو آئی اور ایم کیو ایم نے یہ فیصلہ مسلم لیگ ن کی سرپرستی میں کیا ہے ،مسلم لیگ ن ایم کیو ایم اور جے یوآئی کے ساتھ ملکر الیکشن میں پیپلز پارٹی کا مقابلہ کرے گی ۔