جرم
شیخوپورہ مبینہ پولیس مقابلہ میں 2ڈاکو ہلاک 3فرار
پولیس حکام کے مطابق ڈاکو ناکہ لگا کر شہریوں سے لوٹ مار کر رہے تھے۔
![شیخوپورہ مبینہ پولیس مقابلہ میں 2ڈاکو ہلاک 3فرار](/media/79845/conversions/671673_89613275-1280x720.jpg)
شیخوپورہ : تارنک منڈی کے علاقہ میں مبینہ پولیس مقابلہ 2 ڈاکو ہلاک جبکہ 3 فرار ہونے میں کامیاب ہوگئے ۔
پولیس حکام کے مطابق ڈاکو ناکہ لگا کر شہریوں سے لوٹ مار کر رہے تھے ، پولیس موقع پر پہنچی تو ڈاکوؤں نے اندھا دھند فائرنگ کر دی جس کے نتیجے میں 2 ڈاکو موقع پر ہی ہلاک ہو گئے ۔
شیخوپورہ:تارنگ منڈی میں مُبینہ پولیس مقابلہ 2 ڈاکو ہلاک،3فرار#GNN #NewsUpdates #BreakingNews #GNN_Updates pic.twitter.com/eqN4x0GyIh
— GNN (@gnnhdofficial) September 16, 2023
پولیس کی جوابی فائرنگ سے 2 ڈاکو ہلاک اور 3 فرار ہونے میں کامیاب ہو گئے۔پولیس نے علاقے کو گھیرے میں لے کر فرار ڈاکوؤں کی تلاش شروع کر دی ہے۔
دنیا
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
اگر رواں برس مردم شماری ہوجاتی ہے تو یہ صدام حسین کی حکومت کے خاتمے کے بعد ملک میں ہونے والی پہلی مردم شماری ہوگی
![عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ](/media/116933/conversions/Iraq-has-summoned-the-British-governor-over-the-British-ambassadors-comments-regarding-the-countrys-affairs-696x464-1280x720.jpg)
عراق میں 27 سال بعد مردم شماری 20 اور 21 نومبر کو کرائی جائے گی۔
عالمی خبر رساں ادارے کے مطابق عراق کے وزیراعظم محمد شياع السوڈانی کا کہنا ہے کہ مردم شماری کو آسان اور محفوظ بنانے کے لیے 20 اور 21 نومبر کو ملک بھر میں کرفیو نافذ رہے گا۔
عراق میں بھی مردم شماری ہر 10 سال بعد کی جاتی ہے تاہم 2007 میں ہونے والی مردم شماری ملک میں جاری خانہ جنگی، سیاسی بحران اور امن عامہ کی مخدوش حالت کے باعث نہیں ہوسکی تھی۔ بعد ازاں 2010 میں بھی ایک کوشش کی گئی لیکن اچانک ملک کے حالات خراب ہونے کے باعث اُس مردم شماری کو معطل کرنا پڑا تھا۔
دو دہائیوں قبل 1997 میں ہونے والی مردم شماری میں بھی 3 شمالی صوبے شامل نہیں ہوسکے تھے۔ یہ صوبے اب خودمختار کردستان کا حصہ ہیں۔اگر رواں برس مردم شماری اپنے طے شدہ وقت پر ہوجاتی ہے تو یہ صدام حسین کی حکومت کے خاتمے کے بعد ملک میں ہونے والی پہلی مردم شماری ہوگی۔
داعش سے جنگ، طویل خانہ جنگی اور فرقہ ورانہ فسادات کے بعد اب عراق میں حالات قدرے مستحکم ہونا شروع ہوئے ہیں لیکن اب بھی اکا دکا پُر تشدد واقعات رونما ہوتے رہتے ہیں۔ ملک میں مردم شماری کا اعلان کرانے والے وزیراعظم محمد شیاع السوڈانی نے اکتوبر 2022 میں اقتدار سنبھالا تھا۔
پاکستان
حکمرانوں کی ناکامیوں کی وجہ سے ملک ترقی نہیں کر پا رہا، حافظ نعیم
حکومت نے تنخواہ دار طبقے پر ٹیکس کا بوجھ ڈال دیا ہے جبکہ آئی پی پیز کو ہر طرح کی سہولیات دی جا رہی ہیں، امیر جماعت اسلامی
![حکمرانوں کی ناکامیوں کی وجہ سے ملک ترقی نہیں کر پا رہا، حافظ نعیم](/media/116906/conversions/HafizNaeem-1280x720.jpg)
لاہور : جماعت اسلامی کے امیر حافظ نعیم الرحمان نے حکومت پر تنقید کرتے ہوئے کہا ہے کہ پاکستان میں معدنی وسائل کی کوئی کمی نہیں ہے لیکن حکمران طبقے کی ناکامیوں کی وجہ سے ملک ترقی نہیں کر پا رہا۔ حکومت نے تنخواہ دار طبقے پر ٹیکس کا بوجھ ڈال دیا ہے جبکہ آئی پی پیز کو ہر طرح کی سہولیات دی جا رہی ہیں۔
ایک پریس کانفرنس سے خطاب کرتے ہوئے حافظ نعیم الرحمان نے کہا کہ جماعت اسلامی اس وقت پاکستان کی سب سے مؤثر سیاسی جماعت ہے اور وہ ملک میں سیاسی خلا کو پورا کرنے کے لیے کام کر رہی ہے۔
انہوں نے کہا کہ جماعت اسلامی نوجوانوں کو پاکستان کے مستقبل سے مایوس نہیں ہونے دیگی اور انہیں ملک کی ترقی میں کردار ادا کرنے کی دعوت دی ہے۔
حافظ نعیم الرحمان نے کہا کہ پاکستان میں معدنی وسائل کی کوئی کمی نہیں ہے لیکن حکمران طبقے کی ناکامیوں کی وجہ سے ملک ترقی نہیں کر پا رہا۔ انہوں نے کہا کہ جماعت اسلامی ملک میں موجود تمام فرقوں کا احترام کرتی ہے اور خواتین کی بہتری کے لیے کام کر رہی ہے۔
امیر جماعت اسلامی نے کہا کہ جماعت اسلامی ملک میں ایک نئی سیاسی ثقافت پیدا کرنا چاہتی ہے اور وہ اس کے لیے نوجوانوں سے تعاون کا خواہاں ہے۔ انہوں نے کہا کہ جماعت اسلامی ملک میں موجود مافیا کے خلاف جدوجہد کرے گی اور عوام کو ان کے حقوق دلوانے کے لیے کام کرے گی۔
تجارت
ڈنمارک کا پا کستان میں بھاری سرمایہ کاری کا عزم
وزیر نجکاری عبدالعلیم خان نے کہا کہ حکومت نجی شعبے کے تعاون سے کاروباری سرگرمیوں کو فروغ دینا چاہتی ہےاور اِس سلسلے میں ڈنمارک کی سرمایہ کاری کا ایک مثبت اثر پڑے گا
![ڈنمارک کا پا کستان میں بھاری سرمایہ کاری کا عزم](/media/116953/conversions/7618164271725269076-1280x720.jpg)
ڈنمارک نے پاکستان کے کان کنی کے شعبے میں بھاری سرمایہ کاری میں دلچسپی کا اظہار کیا ہے۔
پاکستان میں ڈنمارک کے سفیر جیکب لینولف کی سربراہی میں ڈینش کاروباری وفد نے وفاقی وزراء کے ساتھ اسلام آباد میں ملاقات کے دوران کہا کہ وہ پاکستان میں بھاری سرمایہ کاری کرنا چاہتے ہیں ۔
وفاقی وزراء نے کہا کہ معدنیات کے وسیع ذخائر کے باعث اِس شعبے میں بڑی سرمایہ کاری کی جا سکتی ہے ، وزیر پٹرولیم مصدق ملک نے کہا کہ پاکستان معدنیات کے شعبے میں غیر ملکی سرمایہ کاری کا خیرمقدم کرے گا۔
وزیر خزانہ محمد اورنگزیب نے ملک میں سرمایہ کاری کیلئے ہرممکن سہولت دینے کی یقین دہانی کرائی۔
وزیر نجکاری عبدالعلیم خان نے کہا کہ حکومت نجی شعبے کے تعاون سے کاروباری سرگرمیوں کو فروغ دینا چاہتی ہےاور اِس سلسلے میں ڈنمارک کی سرمایہ کاری کا ایک مثبت اثر پڑے گا۔
وزیر تجارت جام کمال خان نے کہا کہ ڈنمارک پاکستان کا اہم کاروباری شراکت دار ہے اور معدنیات کے شعبے میں تعاون اور دوطرفہ کاروباری سرگرمیوں سے ملک کی معیشت مضبوط ہو گی۔
-
علاقائی ایک دن پہلے
پنجاب میں کم آمدن والوں کے لیے گھر کا خواب شرمندہ تعبیر ہوگا، مریم نواز
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
پاکستان 2 دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا
-
تفریح ایک دن پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
دنیا 3 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
جرم 7 گھنٹے پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
-
پاکستان 2 دن پہلے
مسلم لیگ ن کا ہنگامی اجلاس کل پارٹی کے مرکزی سیکریٹریٹ میں طلب