چیف جسٹس قاضی فائز عیسیٰ کا گارڈ آف آنر لینے سے انکار

اسلام آباد: نئے تعینات ہونے والے چیف جسٹس آف پاکستان (سی جے پی) قاضی فائز عیسیٰ نے آج (پیر کو) گارڈ آف آنر لینے سے انکار کردیا۔

تفصیلات کے مطابق چیف جسٹس آف پاکستان قاضی فائز عیسیٰ کی سپریم کورٹ آمد پر اسلام آباد پولیس کی جانب سے انہیں گارڈ آف آنر پیش کیا جانا تھا تاہم انہوں نے گارڈ آف آنر لینے سے انکار کردیا۔

چیف جسٹس آف پاکستان قاضی فائز عیسیٰ نے پولیس کو ہدایت کی کہ وہ اپنی ذمہ داری پوری دلجمعی سے ادا کریں۔

نئے چیف جسٹس کی سپریم کورٹ آمد پر عملے نے ان کا استقبال کیا۔ اس موقع پر سٹاف سے بات کرتے ہوئے قاضی فائز نے کہا: "آج میری بہت سی میٹنگز اور بھر پور دربار ہے، مجھے آپ کے تعاون کی ضرورت ہے"۔

واضح رہے کہ سپریم کورٹ کے سینئر ترین جج جسٹس قاضی فائز عیسیٰ نے پاکستان کے 29ویں چیف جسٹس کی حیثیت سے اپنے عہدے کا حلف اٹھا لیا۔