پی ٹی آئی کی وکالت پر لطیف کھوسہ کو شو کاز نوٹس جاری

پیپلزپارٹی نے پارٹی ڈسپلن کی خلاف ورزی پر سینئر رہنما اور معروف قانون دان لطیف کھوسہ کو شوکاز نوٹس کردیا ہے، جس میں ان سے وضاحت طلب کی گئی ہے۔

لطیف کھوسہ نے کہا کہ اس طرح کے نوٹسز سے مجھے کوئی فرق نہیں پڑتا ، مجھے کسی کا وکیل بننے سے کو ئی نہیں روک سکتا یہ میرا آئینی حق ہے ، میں جس کی بھی وکالت کا ارادہ کرتا ہوں اس کے بعد کسی کی بات کی پرواہ نہیں کرتا ، کسی کو کسی کے آئینی حق پر ڈاکہ ڈالنے کی اجازت نہیں ہے ۔

لطیف کھوسہ پیپلزپارٹی سینٹرل ایگزیکٹیوکمیٹی کے ممبر ہیں، لیکن وہ پارٹی کی سینیئر قیادت سے اجازت کے بغیر دوسری سیاسی جماعت کا دفاع کررہے ہیں۔

میں پہلے سے ہی ایک نامور وکیل تھا مجھے کسی کی فکر نہیں ہے کہ کوئی میرا نام خراب کرے گا ،ریاست عوام ہیں عوام کو آزماؤ ان سے کہو کہ اپنا مینڈیٹ استعمال کریں تو پتہ چل جائے گا کہ کون عوامی مینڈیٹ لے کر ملک پر چھاتا ہے ۔